لاہور( این این آئی) فیڈرل بورڈ آف ریو نیو نے سابق وزیر اعلیٰ پنجاب محمد شہباز شریف کے اثاثوں کی تفصیلات اور ٹیکس ادائیگی کا ریکارڈ نیب کے حوالے کردیا ۔ بتایا گیا ہے کہ نیب لاہور کی جانب سے ایف بی آر سے آشیانہ ہاؤسنگ سکینڈل میں گرفتار سابق وزیر اعلیٰ محمد شہباز شریف کی جائیدادوں اور
ٹیکس ادائیگیوں کا مکمل ریکارڈ مانگا گیاتھا۔ایف بی آر کی جانب سے 20سالہ ٹیکس تفصیلات اور ظاہر کردہ اثاثوں کی تمام تفصیلات نیب کو فراہم کر دی گئی ہیں۔نیب کو 1997سے اب تک کے بینک اکاؤنٹس ،ظاہر کردہ تمام اثاثہ جات اورٹیکس ادائیگیوں کی مکمل تفصیلات کا مکمل ریکارڈ فراہم کر دیاگیا ہے۔
