کراچی(سی پی پی)وفاقی وزیر پورٹس علی زیدی نے کہا ہے کہ انہوں نے سنا ہے ڈالر 140 تک جائے گا۔وفاقی وزیر پورٹس علی زیدی نے سندھ ہائی کورٹ میں میڈیا سے گفتگو کی، انٹر بینک میں ہونے والے ڈالر کے اضافے پر تبصرہ کرتے ہوئے انہوں نے ڈالر مزید مہنگا ہونے کا امکان ظاہرکر دیا۔یہ کسی تبدیلی ہے کہ گیس کے نرخوں بڑھانے کے سوال پر انہوں نے جواب دیا کہ وزیراعظم نے کہا تھا کہ مشکل پڑے گی۔

مشکل تو مجھے بھی پڑ رہی ہے، یہ سب کو پڑے گی، میں ایک عام آدمی کی طرح جواب دوں گا،وزیر کی تنخواہ بھی کسی سے چھپی ہوئی نہیں، تھوڑا سے مشکل وقت برداشت کرلیں،آگے بہت اچھا وقت ہے۔ایک اور سوال کے جواب میں انہوں نے کہا میری وزارت میں آجائیں آپ کو نظر آ جائیں گے جو کام ہوا ہے،میں آپ کو یہاں کے پورٹ صاف کر کے دکھاؤں گا،یہاں کے پورٹس کو منافع بخش بناؤں گا۔

موضوعات:علی زیدی