نئی دہلی(این این آئی)چنئی میں بھارتی فضائیہ کے ایونٹ میں ہیٹ سٹروک سے 5 افراد جان کی بازی ہارگئے جبکہ سینکڑوں ہسپتال میں موجود ہیں ۔میڈیارپورٹس کے مطابق بھارت میں گزشتہ دس سال سے مودی سرکار اقتدار میں ہے جس کا واحد مقصد بھارت میں ہندوتوا نظریہ کو فروغ دینا ہے، بھارت میں جہاں دوسرے متعدد مسائل ہیں ، وہیں انتظامی امور کو مثر طور پر سرانجام دینے کے لئے بنیادی وسائل کا انحطاط ہے ۔

حال ہی میں ایک رپورٹ کے مطابق چنئی میں انڈین ایئر فورس کے ایئر شو کے دوران پانچ تماشائی ہلاک اور 200 سے زائد لوگ ہسپتال داخل ہوگئے، انڈین ایئر فورس کایہ ایونٹ مرینا بیچ پر IAF کی 92ویں سالگرہ منانے کے لیے منعقد کیا گیا تھا۔