تہران(این این آئی)پاسدارانِ انقلاب کے جاری کردہ بیان میں دعوی کیا گیا ہے کہ اسرائیل سے تعاون کے الزام میں 12 افراد گرفتار کر لیے ۔غیرملکی خبررساں ادارے کے مطابق پاسدارانِ انقلاب کا کہنا تھا کہ گرفتار افراد پر ایرانی سیکیورٹی کے خلاف منصوبہ بندی کا بھی الزام ہے، ان افراد کو ایران کے 6 مختلف صوبوں سے حراست میں لیا گیا ہے۔

انہوں نے دعوی کیا کہ گرفتار 12 افراد ایک منظم نیٹ ورک میں کام کر رہے تھے۔پاسدارانِ انقلاب نے یہ واضح نہیں کیا کہ ان 12 افراد کو کب گرفتار کیا گیا۔غزہ اور لبنان میں اسرائیل، امریکا اور مغربی حمایتی اپنے مقاصد میں کامیاب نہیں ہو سکے بلکہ وہ بحران کو ایران تک پھیلانے کے درپے ہیں۔