نیویارک (این این آئی) عالمی میڈیا نے دعویٰ کیا ہے کہ امریکا اور چین نے نیوکلیئر ہتھیاروں پر بات چیت کرنے پر رضا مندی ظاہر کر دی۔غیرملکی میڈیا کی رپورٹس کے مطابق گزشتہ 5 سال میں پہلی بار امریکا اور چین نے نیوکلیئر ہتھیاروں پر گفتگو کرنے کی حامی بھری ہے، اس حوالے سے دونوں عالمی قوتوں کے وفود آئندہ مارچ میں جوہری ہتھیاروں کی روک تھام پر بات چیت کریں گے۔

عالمی میڈیا نے یہ بھی دعویٰ کیا ہے کہ امریکا کو تائیوان کیخلاف چین کی طرف سے جوہری ہتھیاروں کے استعمال کا خدشہ ہے جبکہ چین نے تائیوان کیخلاف ایٹمی ہتھیاروں کے استعمال سے صاف انکار کرتے ہوئے امریکا کو واضح پیغام دے دیا ہے۔