واشنگٹن (این این آئی)امریکی صدر جو بائیڈن نے اسرائیلی وزیراعظم نیتن یاہو کوصاف بتادیا کہ ایران پر جارحانہ آپریشن میں حصہ نہیں لیں گے۔امریکی عہدیدار نے امریکی ٹی وی سے گفتگو کرتے ہوئے کہا کہ جو بائیڈن نے اسرائیلی وزیراعظم پر واضح کردیا ہے کہ ایران پر جارحانہ آپریشن میں حصہ نہیں لیں گے۔

دوسری جانب اسرائیلی سیکیورٹی کابینہ کے اجلاس کے بعد نیتن یاہو نے امریکی صدر کو اجلاس میں فیصلوں سے متعلق آگاہ کیا۔علاوہ ازیں امریکی حکام کا کہنا ہے کہ اسرائیل پر ایران کے ڈرون اور میزائل حملے تقریباً 5 گھنٹے جاری رہے۔