نئی دہلی(این این آئی) بھارتی وزیراعظم نریندرا مودی کا ٹوئٹر اکائونٹ ہیک کرلیا گیا ہے جس کی تصدیق ٹوئٹر کی جانب سے بھی کی گئی ہے۔ ہیک ہونے والے اکائونٹ پر 25 لاکھ سے زائد فالوورز ہیں اور یہ ان کا ذاتی اکائونٹ ہے۔ٹوئٹر کے ترجمان نے کہا کہ ہم اس متعلق تحقیقات کررہے ہیں اور اکائونٹ کومحفوظ بنانے کے لیے اقداماتبھی اٹھا رہے ہیں تاہم بھارتی وزیراعظم کے اکائونٹ ہیک ہونے اورکچھ عرصے قبل اہم شخصیات کے اکائونٹس ہیک ہونے کے درمیان کوئی تعلق نظر نہیں آیا۔ہیکرنے مودی کے اکائونٹ کو ہیک کرکے کرپٹوکرنسی بٹ کوائن کے ذریعے وزیراعظم

کے قومی ریلیف فنڈ میں عطیہ کرنے کو کہا تاہم بعد میں یہ ٹوئٹ ڈیلیٹ کردی گئی۔