کراچی (این این آئی) سول ہسپتال کراچی میں کروڑوں روپے کی ادویات کی چوری کا مقدمہ درج کرلیا گیا ہے۔ مقدمہ میڈیکل سپرنٹنڈنٹ (ایم ایس) ڈاکٹر خالد بخاری کی مدعیت میں تھانہ عیدگاہ میں درج کیا گیا، جس میں ہسپتال کے دو ملازمین نیاز احمد اور اقبال احمد نامزد ہیں۔ مقدمے کے متن کے مطابق کینسر کے علاج کیلیے استعمال کی جانے والی دوائیں چوری کی گئیں۔ پولیس حکام کے مطابق فوری طور پر کوئی گرفتاری عمل میں نہیں آسکی، ملزمان کی گرفتاری کیلئے مختلف مقامات پر چھاپے مارے جا رہے ہیں۔