خانیوال(آن لائن) وزیر صحت پنجاب ڈاکٹر یاسمین نے رات گئے خانیوال ڈسٹرکٹ ہیڈکوارٹرز ہسپتال کا دورہ کیا اور طبی سہولیات کا جائزہ لیا۔وزیرصحت پنجاب یاسمین راشد نے رات گئے اچانک خانیوال ڈسٹرکٹ ہیڈکوارٹرز ہسپتال کا دورہ کیا جہاں انہیں مریضوں کو دی جانے والی طبی سہولیات بارے میں بریفنگ دی گئی۔اس دوران یاسمین راشد کا کہنا تھا کہ سرکاریہسپتالوں میں ڈاکٹرز دکھی انسانیت کی خدمت کر کے خوشنودی خدا حاصل کر رہے ہیں۔انہوں نے کہا کہ سرکاری ہسپتالوں میں آنے والے مریضوں کو بہترین طبی سہولیات فراہم کرنے کا عزم رکھتے ہیں اور ان کے لئے تمام طبی سہولیات دستیاب

ہیں۔ؔوزیر صحت پنجاب نے مزید کہا کہ وزیراعظم عمران خان کے ویژن کے مطابق سرکاری ہسپتالوں میں حقیقی تبدیلی لاکردم لیں گے۔