اسلام آ باد۔۔۔۔۔ سپریم کورٹ نے حکومت کو او جی ڈی سی ایل کے حصص فروخت کرنے کی اجازت دے دی۔ سپریم کورٹ میں آئل اینڈ گیس ڈیویلپمنٹ کمپنی کی نجکاری سے متعلق کیس کی سماعت ہوئی۔ اس موقع پر اعلی عدالت نے عبوری حکم نامہ جاری کرتے ہوئے حکومت کو او جی ڈی سی ایل کے حصص فروخت کرنے کی اجازت دیدی۔ عدالت نے اپنے حکم نامے میں کہا ہے کہ حصص کی فروخت ان کمپنیوں کو کی جائے جو سب سے زیادہ بولیاں لگائیں جبکہ اس حوالے سے حصص خریدنے میں دلچسپی رکھنے والی متعلقہ کمپنیز کو عدالتی احکامات بھی جاری کردیئے گئے ہیں۔ عدالت نے عبوری حکم نامہ جاری کرتے ہوئے سماعت 3 ہفتوں کے لئے ملتوی کردی۔