جیکب آباد(این این آئی)جیکب آباد میں ٹماٹر کی قیمت 300روپے سے تجاوز کرگئی، انتظامیہ خاموش تماشائی۔ تفصیلات کے مطابق جیکب آباد میں ٹماٹر کی قیمت 300 روپے سے بھی تجاویز کرگئی ہیں شہر میں 300 سے 350 روپے فی کلو ٹماٹر فروخت کئے جارہے ہیں، ٹماٹر کی قیمت میں ہوشربا اضافے کے باوجود ضلع انتظامیہ خاموش تماشائی بنی ہوئی ہے،

شہریوں کا کہنا ہے کہ ٹماٹر کا مصنوعی بحران پیدا کرکے قیمتوں میں اضافہ کیا گیا ہے منافع خور بیوپاری دونوں ہاتھوں سے عوام کو لوٹ رہے ہیں لیکن کوئی ان سے پوچھنے والا نہیں، انہوں نے ضلع انتظامیہ سے مطالبہ کیا کہ ٹماٹر کی قیمتوں پر کنٹرول کرکے منافع خوروں کے خلاف کاروائی کی جائے۔