نیویارک (نیوز ڈیسک) امریکہ میں قدرتی گیس کے نرخوں میں کمی کی صورتحال جاری ہے۔ امریکی ذرائع ابلاغ کے مطابق گزشتہ کاروباری ہفتے کے اختتام پر قدرتی گیس کے مستقبل کے سودوں میں مجموعی طور پر 3 فیصد کی کمی ریکارڈ کی گئی۔ نیویارک مرکنٹائل ایکسچینج میں فی ملین برٹش تھرمل یونٹس گیس کے مستقبل کے سودے 8.2 سینٹ کی کمی کے ساتھ طے کئے گئے۔ اسی طرح 2016 اور 2017ءکےلئے سلنڈر گیس کے سودوں میں بھی کمی ریکارڈ کی گئی ہے جو 2006 کے بعد کم ترین سطح ہے۔ ماہرین کے مطابق آنے والے دنوں میں موسم کی صورتحال میں بہتری کے باعث گیس کے نرخوں میں کمی کا رجحان دیکھنے میں آ رہا ہے۔