کراچی(نیوز ڈیسک)آئندہ دو ماہ کیلئے مانیٹری پالیسی کا اعلان 21 مارچ کو کیا جائے گا۔ماہرین کے مطابق بنیادی شرح سود 1فیصد تک مزید گھٹ کر گزشتہ 13 سال کی کم ترین سطح پر آنے کا امکان ہے۔اسٹیٹ بینک آئندہ دو ماہ کیلئے مانیٹری پالیسی کا اعلان کل کر رہا ہے۔معاشی تجزیہ کاروں کا کہنا ہے کہ گزشتہ ماہ مہنگائی کی رفتار دھیمی ہوکر تین عشاریہ دو فیصد پر آجانے کے بعد بنیادی شرح سود میں مزید عشاریہ پانچ فیصد سے ایک فیصد تک کمی متوقع ہے جس سے شرح سود کم ہوکر گزشتہ 13 سال کی کم ترین سطح پر آنے کے امکانات روشن ہوگئے ہیں۔رواںمالی سال شرح سود میں نمایاں کمی کیئے جانے کے باوجود نجی اداروں نے قرض وصولی کے معاملے میں ہاتھ کھینچے رکھاجب کہ سرکار کا قرضوں پر انحصار مزید بڑھ گیا ہے اور گزشتہ محض 8 ماہ کے دوران حکومت ایک ہزار ارب روپے کاقرض حاصل کرچکی ہے۔