لاہور(این این آئی) عوامی جمہوریہ چین کے قونصل جنرل لانگ دینگ بِن نے مسلم لیگ (ن) کے صدر شہبازشریف کومعاونت اور علاج کیلئے خط لکھ دیا ۔ عوامی جمہوریہ چین کے قونصل جنرل لانگ دینگ بِن کی جانب سے شہبازشریف کو لکھے گئے خط میں کہاگیا ہے کہ کورونا سے آپ کے متاثر ہونے کی اطلاع پر بے حد دکھ ہے، آپ سے دلی ہمدردی ہے ،آپ کو ہر طرح کی معاونت کی فراہمی کی پیشکش کرتے ہیں۔
دعا ہے کہ آپ جلد صحت یاب ہوں ۔سدابہار سٹرٹیجک کوآپریٹو پارٹنرز کے طورپر کورونا کے خلاف چین کی حمایت پر پاکستان کے شکرگزار ہیں۔کورونا وائرس پر قابو پانے تک چین پاکستان کی ہر طرح کی مدد کے لئے تیار ہے۔سی پیک کی تعمیر کے لئے آپ کی غیرمعمولی کارکردگی ہمیں بہت اچھی طرح سے اب بھی یاد ہے۔اورنج لائن، کوئلے سے بجلی پیدا کرنے والا ساہیوال کا منصوبہ آپ کی غیرمعمولی کاوش کا مظہر ہے۔
