اسلام آباد(مانیٹرنگ ڈیسک)کوروناوائرس میں مبتلا وزیر ریلوے شیخ رشید کی طبیعت ناساز ہسپتال منتقل کر دیا گیا۔نجی ٹی وی کے مطابق شیخ رشید احمد کی طبیعت ہفتے کی شام سے خراب تھی، گزشتہ رات طبیعت زیادہ ناساز ہونے پر انہیں ایم ایچ راولپنڈی میں داخل کر لیا گیا۔وفاقی وزیر نے اپنے بیان میں کہا ہے کہ
میرا علاج جاری ہے، ڈاکٹرز اور نرسنگ اسٹاف بہترین صلاحیتوں کے مطابق علاج کر رہے ہیں۔انہوں نے کہا کہ رات کی نسبت اب بہتر محسوس کر رہا ہوں، میری جلد صحتیابی کے لئے دعائیں کرنے والوں کا بہت شکر گزارہوں۔شیخ رشید نے عوام سے اپیل بھی کی کہ کورونا کو سنجیدہ لیں، احتیاطی تدابیر اختیارکریں اور گھروں میں رہیں۔
