اسلام آباد (مانیٹرنگ ڈیسک)حکومت پنجاب کی جانب سے بیرون شہر ٹرانسپورٹ چلانے کی اجازت ملنے کے باوجود ٹرانسپورٹرز نے بس گاڑیاں چلانے سے انکار کر دیا ۔ ٹرانسپورٹرز نے موقف اختیار کیاکہ حکومت کی جانب سے جاری ایس اوپیز پر عملدرآمد ممکن نہیں ، سوشل ڈسٹنس کے نام پر ایک سیٹ چھوڑ کر دوسری
سیٹ پر مسافر نہیں بٹھا سکتے۔ ٹرانسپورٹرز نے کہاکہ ایسے کرنے سے ہمارے اخراجات پورے نہیں ہوتے،پہلے ہی نقصان ہوچکا ، عید پر چھٹیوں پر آبائی علاقوں میں جانیوالے لوگوں کو شدید مایوسی کا سامنا ہے ۔واضح رہے کہ اب سے کچھ دیر پہلے وفاقی وزیر ریلوے شیخ رشید نے 20مئی سے مسافر ٹرینیں چلانے کا اعلان کردیا ہے ۔
