لاہور (آن لائن) محکمہ داخلہ پنجاب نے لاہور سمیت پنجاب بھر کے تمام اضلاع میں آئندہ تین روز کے لئے سخت لاک ڈائون لگانے کا فیصلہ کیا ہے۔ بتایا گیا ہے کہ اس سلسلے میں محکمہ داخلہ نے وفاقی حکومت سے مشاورت مکمل کرلی ہے۔ جس کے بعد کل بروز جمعہ ،بروز ہفتہ اور بروز اتوار تین روز کے لئے سخت لاک ڈائون کیا جائے گا۔
مذکورہ لاک ڈائون کے سلسلے میں نئے ایس او پیز تیار کرلئے گئے ہیں جبکہ پنجاب حکومت نے نئے ایس او پیز اور سخت لاک ڈائون پر انتظامیہ اور پولیس سمیت رینجرز کی مدد سے عملدرآمد کرانے کا بھی فیصلہ کیا ہے۔ اس حوالے سے سرکاری حلقے جمعرات کے روز دن کے آخری چند گھنٹوں کو اہم قرار دیتے رہے ہیں۔
