اسلام آباد(این این آئی)کورونا وائرس میں مبتلا سینیٹر مرزا محمد آفریدی صحت یاب ہو گئے۔ تفصیلات کے مطابق سینیٹر مرزا محمد آفریدی میں 27 اپریل کو کورونا وائرس کی تشخیص ہوئی تھی جس کے بعد سے وہ آئسولیشن میں تھے تاہم اب ان کا کورونا ٹیسٹ منفی آ گیا ہے۔سینیٹر مرزامحمد آفریدی نے دعائیں کرنے پرعوام کا شکریہ ادا کرتے ہوئے کہا
کہ کورونا کی صورت حال میں عوام احتیاطی تدابیر نہ چھوڑیں۔دریں اثناقومی اسمبلی حکام نے کورونا وائرس کے متاثرہ ارکان کو پارلیمنٹ آنے سے روک دیا۔ بدھ کو حکام سے جانب سے کہاگیاکہ جن بھی ارکان کے کورونا وائرس ٹیسٹ پازیٹیو آئے ہیں وہ کسی بھی کام کے سلسلے میں پارلیمنٹ نہ آئیں۔تمام ارکان اسمبلی کو اسمبلی سیکریٹریٹ نے بذریعہ ٹیکسٹ پیغام آگاھی دے دی۔
