کراچی(این این آئی) وزیراعلی سندھ مراد علی شاہ نے کہا ہے کہ جمعرات7 مئی کو سب سے زیادہ 14 اموات ہوئی ہیں،یہ بہت دکھ کی بات ہے میرا دل بوجھل ہے۔وزیراعلی سندھ مراد علی شاہ نے کورونا وائرس کے حوالے سے ویڈیو پیغام میں کہا ہے کہ صوبے مٰں 453 نئے کیسز ظاہر ہوئے ہیں اورایک سندھ میں کورونا کے باعث 14 اموات ہوئی ہیں۔

مزید 3534 ٹیسٹ کیے گئے جس کے نتیجے میں 453 کیسز سامنے آئے،اب تک76 ہزار78 ٹیسٹ کئے ہیں جس میں سے 9093 مریض ظاہر ہوئے ہیں۔14 اموات ہونے سے انتقال کرنے والواں کی تعداد 171 ہوگئی ہے۔انہوں نے کہا کہ اس وقت کورونا کے 7069 مریض زیرعلاج ہیں،5858 گھروں میں، 683 آئیسولیشن مراکز اور 528 اسپتالوں میں زیرعلاج ہیں،87 مریضوں کی حالت تشویشناک ہے جن میں 14 وینٹی لیٹرز پر ہیں،جبکہ 122 مریض صحت یاب ہوکر اپنے گھروں کو چلے گئے ہیں،صحت یاب ہونے والوں کی کل تعداد 1853 ہے جو کل مریضوں کا 20.4 فیصد ہے۔ان کا کہنا تھا کہ کراچی کے کیسز کی تعداد 335 ہے،ضلع وسطی کراچی میں 91، ضلع جنوبی میں 81 اور ضلع شرقی میں 69نئے کیسز سامنے آئے،ملیر اور کورنگی میں 33،33 جبکہ ضلع مغربی میں 28 مزید کورنا کیسز رپورٹ ہوئے ہیں۔علاوہ ازیں لاڑکانہ میں 35، خیرپور میں 16 اور سکھر میں 12 نئے کورونا کیسز سامنے آئے،حیدرآباد میں 9، کشمور میں 8 اور سانگھڑ میں 3 مزید کیسز رپورٹ ہوئے، 18 اپریل سے 5 مئی تک 2369 تارکین وطن واپس آئے ہیں،تارکین وطن میں 515 مثبت آئے ہیں،لاڑکانہ اور خیرپور میں سب سے زیادہ کیسز آئے ہیں۔ان کا مزید کہنا تھا کہ کراچی ہمیشہ کی طرح مثبت کیسز میں بھی زیادہ ہے،19 مارچ کو کورونا کے باعث پہلی موت ہوئی تھی،29 اپریل کو سب سے زیادہ 12 اموات رپورٹ ہوئیں، آج 7 مئی کو سب سے زیادہ 14 اموات ہوئی ہی،یہ بہت دکھ کی بات ہے میرا دل بوجھل ہے۔