اسلام آباد(مانیٹرنگ ڈیسک)ملک میں کورونا کے مریضوں کی کل تعداد 8 ہزار 519 جبکہ اس وباء سے اموات کی مجموعی تعداد 176 ہو گئی۔نجی ٹی وی کے مطابق ملک میں 6 ہزار 413 کورونا کے مریض اب بھی ہسپتالوں میں زیرِ علاج ہیں، جن میں سے47 کی حالت تشویش ناک ہے جبکہ 1 ہزار 930 مریض صحت یاب ہو چکے ہیں۔پنجاب میں کورونا کے مریضوں کی تعداد سب سے زیادہ 3 ہزار822 ہے جبکہ اس سے ہلاکتیں 42 ہو گئی ،سندھ میں اب تک کورونا وائرس کے 2 ہزار 537 مریض سامنے آئے ہیں، جبکہ 56 مریض کورونا کے باعث جان کی بازی ہار چکے ہیں۔

کورونا وائرس کے بلوچستان میں 432 مریض اب تک رپورٹ ہوئے ہیں جہاں 5 افراد اس مرض سے انتقال کر چکے ہیں۔خیبرپختونخوا میں کورونا کے مریضوں کی تعداد 1 ہزار 235 ہو چکی ہے جبکہ اموات تمام صوبوں سے زیادہ 67 ہو گئیں۔گلگت بلتستان میں 263 کورونا کے مریض سامنے آئے ہیں جبکہ اس سے 3 افراد جاں بحق ہوئے ہیں۔وفاقی دارالحکومت اسلام آباد میں 181 کورونا وائرس کے متاثرہ مریض ہیں جبکہ 3 افراد اس وباء سے جان کی بازی ہارچکے ہیں۔آزاد کشمیر میں کورونا کے اب تک 49 مریض رپورٹ ہوئے ہیں تاہم اب تک کوئی ہلاکت سامنے نہیں آئی ۔