اسلام آباد (مانیٹرنگ ڈیسک)وزیراعظم عمران خان کی زیر صدارت قومی رابطہ کمیٹی کا اجلاس ہوا جس میں کورونا وائرس کے حوالے سے اہم فیصلے کیے گئے۔اسلام آباد میں ہونے والے قومی رابطہ کمیٹی کے اجلاس میں فیصلہ کیا گیا کہ کورونا وائرس کے باعث ملک بھر کے تعلیمی ادارے 31 مئی تک بند رہیں گے۔

اس سے قبل پاکستان بھر کے تعلیمی ادارے 5 اپریل تک بند رکھنے کا فیصلہ کیا گیا تھاجس میں اب توسیع کردی گئی ہے۔ وفاقی وزراء، چاروں وزرائے اعلیٰ ، معاونین خصوصی اور چیئرمین نیشنل ڈیزاسٹر منیجمنٹ اتھارٹی(این ڈی ایم اے) ویڈیو لنک کے ذریعے شریک ہوئے۔