اسلام آباد (مانیٹرنگ ڈیسک) پاکستان مسلم لیگ (ن) کے صدر اور قومی اسمبلی میں قائد حزب اختلاف میاں شہباز شریف آج رات وطن واپسی کا امکان ہے۔ سماجی رابطے کی ویب سائٹ ٹوئٹر پر ن لیگ کی ترجمان مریم اورنگزیب نے اپنے بیان میں کہا کہ شہباز شریف آج رات پاکستان واپس پہنچ رہے ہیں۔ ایک نجی ٹی وی چینل سے گفتگو کرتے ہوئے مریم اورنگزیب
نے کہا کہ کرونا وائرس کی صورتحال میں پاکستان کے عوام مشکل میں ہیں، جسے دیکھتے ہوئے شہباز شریف نے وطن واپس آنے کا فیصلہ کیا ہے۔ ن لیگ کی ترجمان نے اس موقع پر بتایا کہ میاں نواز شریف کا آپریشن اگلے ہفتے ہونا ہے، واضح رہے کہ میاں شہباز شریف 19 نومبر کو پاکستان سے گئے تھے اور آج رات ان کی واپسی کا امکان ہے۔
قومی اسمبلی میں قائد حزب اختلاف شہباز شریف آج رات وطن واپس پہنچ رہے ہیں، مریم اورنگزیب
— PML(N) (@pmln_org) March 21, 2020
