اسلام آباد (این این آئی)جمعیت علمائے اسلام (ف)کے سربراہ مولانا فضل الرحمن کی جان کو خطرہ ،ڈی آئی خان پولیس نے مولانا فضل الرحمن کو ایڈوائزری نوٹس بھجوادیا ۔ ایڈوائزری نوٹس میں کہاگیاکہ ہمیں ذرائع سے پتا چلا ہے کہ آپ دہشتگردوں کے نشانہ پر ہیں، حالات کو مدنظر رکھتے ہوئے آپ سے گزارش ہے کہ اپنی حرکت کو خفیہ راز رکھے۔ ایڈوائزری نوٹس کے مطابق اپنے گھر پر سی سی ٹی وی کیمرے لگوائیں، اپنی سیکیورٹی اور گھر کیلئے پرائیویٹ
سیکیورٹی کا بندوبست کرے۔ایڈوائزری نوٹس کے مطابق لائسنس اور اسلحہ اپنی حفاظت کیلئے پاس رکھیں، رات کے وقت بے جا نقل و حرکت نہ کریں ۔ ایڈوائزری نوٹس کے مطابق اپنے گھر کے دروازے اندر سے بند رکھیں۔ ترجمان مولانا فضل الرحمن نے کہاکہ اس سے قبل مولانا فضل الرحمن پر تین خود کش حملے ہوچکے ہیں، پی ٹی آئی حکومت نے سیکیورٹی بھی واپس لے لی ہے، مولانا فضل الرحمن کو اگر کچھ ہوا تو ذمہ داران موجودہ حکومت ہوگی
