لاہور( آن لائن )غیر قانونی بھرتیوں کے کیس میں راجہ پرویز اشرف کو بری کر دیا گیا۔ تفصیلات کے مطابق حتساب عدالت کے امجد نذیر چوہدری نے کیس کی سماعت کی اور گیپکو میں 437افراد کی غیر قانونی بھرتی کرنے کے کیس میں سابق وزیراعظم راجہ پرویز اشرف کو بری کر دیا گیا ۔
گیپکو بھرتی کیس میں سابق وزیراعظم کے ساتھ ساتھ 8 افسروں کو بھی بری کردیا گیا ۔آٹھ افسروں میں سابق ایم ڈی گیپکو طاہر بشارت چیمہ ،سیکریٹری شاہد فررفیع ، ڈائریکٹر محمد سلیم ملک زرعی عباس ، باییو سی او محمد ابراہیم ، ڈرائریکٹر ایچ ار چشمت علی شامل ہیں ۔راجہ پرویز اشرف نے عدالت سے باہر میڈیا سے گفتگو کرتے ہوئے کہا کہ آج انصاف مل گیا ہے۔ ایسے مقدمے میں بری ہوا جس کا کوئی سر پاں ہی نہیں ہے۔واضح رہے 29 جنوری کو لاہور کے احتساب عدالت نے سابق وزیر اعظم راجہ پرویز اشرف کے خلاف پیپکو اورگیپکو میں غیر قانونی بھرتیوں کے کیس میں ملزموں کی بریت کی درخواست پر وکلا کوحتمی دلائل کیلئے طلب کیا تھا ۔احتساب عدالت کے امجد نذیر چوہدری نے کیس کی سماعت کی۔عدالتی حکم پرنیب نے مکمل جواب جمع کرا دیا۔ دوران سماعت نیب پراسیکیوٹر نے کہاکہ نیب ترمیمی آرڈنینس کا اطلاق پرانے کیسز پر نہیں ہوگا۔انہوں نے کہاکہ راجہ پرویز اشرف نے سیاسی فائدے کے لیے غیر قانونی بھرتیاں کیں۔عدالت راجہ پرویز اشرف کی بریت کی درخواست پہلے ہی مسترد کرچکی ہے ۔ عدالت نے ملزموں کی بریت کی درخواست پر فریقین کے وکلا کوحتمی دلائل کیلئے طلب کیا۔ جس کے بعد عدالت کی جانب سے سابق وزیرا عظم راجہ پرویز اشرف سمیت 8افسرون کو گیپکو میں غیر قانونی بھرتیوں کے کیس میں بری کر دیا گیا ہے۔
