اسلام آباد ( آن لا ئن ) وزیراعظم عمران خان نے کہا ہے کہ کرپٹ افراد ملک لو ٹیںگے تو پکڑ ئے جا ئیں گے احتساب ، شفافیت اور ریفارمز سب سے بڑی ترجیح ہے ادارے اتنے مضبوط کر دوں گا جیتنے پہلے نہیں تھے ،احتساب کے ساتھ ساتھ عوامی فلاح و بہبود حکومت کی ترجیح ہے ۔جمعہ کے روز وزیراعظم عمران خان سے سابق وزیر قانون بابر اعوان نے ملاقات کی جس میں بابر اعوان نے

وزیراعظم کو مختلف آئینی، قانونی اور سیاسی امور پر بریفنگ دی۔اس موقع پر وزیراعظم عمران خان نے کہا کہ ادارے اتنے مضبوط کردوں گا جتنے پہلے کبھی نہیں ہوئے، اداروں کا نام ریاست بھی ہے اور جمہوریت بھی ہے، احتساب، شفافیت اور اصلاحات سب سے بڑی ترجیحات ہیں، بڑے کرپٹ لوگ ملک لوٹیں گے تو پکڑے بھی جائیں گے۔وزیراعظم کا کہنا تھا کہ احتساب کے ساتھ ساتھ عوامی فلاح و بہبود حکومت کی ترجیح ہے، احساس پروگرام کے تحت نچلے طبقے کو اوپر اٹھائیں گے۔ بابراعوان نے کہا کہ احتساب اور ریفارمز کا ایجنڈا حکومت کی درست سمت کا تعین ہے، حالات میں بہتری کے ثمرات جلد عام عوام تک پہنچ سکیں گے۔بعد ازاں وزیر اعظم عمران خان سے پشاور زلمی کے چیئرمین جاوید آفریدی نے بھی ملاقات کی ، قومی کھیل پالیسی اوردیگر امور پر تبادلہ خیال کیاگیا۔جاوید آفریدی نے وزیر اعظم کو بتایا کہ جنوبی افریقی بیٹسمین ہاشم آملہ بھی پشاور زلمی سے منسلک ہوگئے ہیں جس پر وزیراعظم عمران خان نے خوشی کااظہارکیااور کہا پاکستان سپر لیگ کے پانچویں سیزن کا پاکستان میں انعقاد ملک کیلئے ایک تاریخی لمحہ ہوگا انہوں نے پشاور زلمی کی کھیل کیلئے خدمات کو سراہا اور کہا پاکستان میں کرکٹ کی واپسی مٰیں سپر لیگ کا اہم کردار ہے وزیر اعظم نے مزید کہا کہ قومی اسپو رٹس پا لیسی پر توجہ ہے جلد اجلا س منعقد ہو گا ۔ بعد ازاں وزیرا عظم عمران خان سے رکن قومی اسمبلی شاہ زین بگٹی نے ملا قا ت کی جس میں بلو چستان کی میں ترقیاتی منصوبوں سے متعلق تبادلہ خیال کیا گیا شاہ زین بگٹی نے وزیر اعظم کو بلو چستان میں عوامی مشکلا ت اور جا ری منصوبوں سے متعلق بھی آگاہ کیا ۔