اسلام آباد(نمائندہ جنگ) سابق صدر آصف زرداری کیخلاف جعلی بینک اکاؤنٹس کے میگا منی لانڈرنگ اور پارک لین ریفرنسز میں نیب کے سپیشل پراسیکیوٹر سید مدثر نقوی نے اپنے عہدے سے استعفی دے دیا۔ چیئرمین نیب کے نام لکھے گئے استعفی میں مدثر نقوی نے کہا ہے کہ وہ ذاتی وجوہات کی بنا پر نیب کے ساتھ کام
جاری نہیں رکھ سکتے۔ سید مدثر نقوی میگا منی لانڈرنگ اور پارک لین ریفرنسز میں آصف علی زرداری اور دیگر ملزمان کے ٹرائل کیلئے بطور سپیشل پراسیکیوٹر نیب فرائض انجام دے رہے تھے۔ وہ جعلی اکاؤنٹس ریفرنسز کے احتساب عدالت میں ٹرائل کیلئے بنائی گئی 6 رکنی خصوصی پراسیکیوشن ٹیم کے بھی رکن تھے۔
