اسلام آباد (مانیٹرنگ ڈیسک)نیب نے پی ٹی آئی حکومت پر پھندے ڈالنے کی تیاری کر لی ۔ان میں بلین ٹری، پشاور میٹرو سمیت کچھ کیسز شامل ہوں گے۔سینئر تجزیہ نگار طاہر ملک کا دعویٰ،تفصیلات کے مطابق سیاسی صورتحال پر تجزیہ پیش کرتے ہوئے ان کا کہنا ہے کہ نیب نے اب پاکستان تحریک انصاف کی حکومت پر پھندے ڈالنے کی تیاری کر لی۔پہلا پھندا بلین ٹری منصوبے کے حوالے سے ہو گا۔حکومت کے بلین ٹری منصوبے میں 47 کروڑ روپے
کا فراڈ سامنے آیا ہے۔دوسرا پھندا پشاور میٹروکا ہو گا۔جو 48ارب سے شروع ہوئی اور 71 ارب لگا کر بھی پوری نہ ہو سکی۔طاہر ملک نے بتایا کہ حکومت پر دو پھندے اختیارات کے بھی ہیں جن میں مالم جبہ اور وزیراعظم ہیلی کاپٹر کیس شامل ہیں۔پروگرام میں شریک صحافی سعید قاضی کا کہنا ہے کہ نیب آرڈیننس کا نتیجہ بھی سامنے آیا ہے جس میں لیگی رہنما جاوید لطیف نیب میں پیش ہوئے۔مگر انہوں نے تعاون سے مکمل انکار کر دیا، یہ نیب آرڈیننس کا نتیجہ ہے۔
