اسلام آباد (مانیٹرنگ ڈیسک )پاکستان کی وفاقی کابینہ نے آرمی چیف جنرل قمر جاوید باجوہ کی مدتِ ملازمت میں توسیع سے متعلق آرمی ایکٹ 1952 میں ترمیم کے مسودے کی منظوری دے دی ہے۔تفصیلات کے مطابق وزیراعظم کی زیرصدارت وفاقی کابینہ کا ہنگامی اجلاس ہوا
جس میں آرمی چیف قمر جاوید باجوہ کی مدت ملازمت میں توسیع سے متعلق ترمیمی بل کی منظوری دی گئی۔ وزیراعظم عمران خان نے کابینہ اجلاس معمول سے ہٹ کر طلب کیا گیا تھا جو دو بجے وزیراعظم ہائوس میں شروع ہوا ۔ وفاقی حکومت نے آرمی چیف کی مدت ملازمت میں توسیع کیلئے ترمیمی بل تیا ر کیا جسے منظور کر لیا گیا ہے ۔ آرمی ایکٹ کل پارلیمنٹ میں پیش کیا جا سکتا ہے ۔آرمی ایکٹ ترمیم میں چیف آف آرمی سٹاف کی توسیع واضح کی گئی ہے ۔ سپریم کورٹ کے احکامات کو مدنظر رکھتے ہوئے آرمی ایکٹ ترمیم کئی گئی ہے ۔ واضح رہے کہ سپریم کورٹ نے آرمی چیف جنرل قمر جاوید باجوہ کی مدت ملازمت میں توسیع سے متعلق کیس کے فیصلے میں کہا تھا کہ حکومت چھ ماہ کے عرصے میں موجودہ آرمی چیف کی مدت ملازمت میں توسیع سے متعلق قانون سازی نہ کر سکی تو جنرل باجوہ عہدے سے ریٹائر ہو جائیں گے۔
