اسلام آباد (این این آئی)بھارتی پروپیگنڈا کے غبارے سے ایک بار پھر ہوا نکل گئی،جھوٹ کی بنیاد پر کھڑی کی گئی پاکستان مخالف مہم ناکام ہوگئی ۔تفصیلات کے مطابق بھارت کے نیشنل سائبر سیکیورٹی کے کوآرڈینیٹر راجیش پنت نے بیانیے کی جنگ میں پاکستان کی بالادستی تسلیم کی تھی جس کے بعد ماہرین کا کہنا ہے کہ بیانیہ سچائی پر مبنی ہو تو قائم رہتا ہے جھوٹ ہو تو بالا کوٹ حملے کی طرح منہ کی
کھانا پڑتی ہے۔ 2016 میں سرجیکل اسٹرائیکس کا دعویٰ ،بالاکوٹ حملے کا دعوی ٰاور بھارت کی طرف سے پاک فضائیہ کا ایف سولہ طیارہ گرانے کا دعویٰ جھوٹ ہے ۔ ماہرین کے مطابق زمین پر ملبہ ہونے کے باوجود بھارت اپنے 2 طیاروں کی تباہی کو جھٹلاتا رہا،کیرن سیکٹر میں گائوں پر قبضے کا بھارتی دعویٰ بھی جھوٹ ہے ، جھوٹے دعوئوں کی بدولت ہی بھارت بیانیے کی جنگ ہار چکا ہے۔
