اسلام آباد(مانیٹرنگ ڈیسک)پی آئی سی پر وکلا حملہ کے معاملہ پر وزیراعلیٰ پنجاب عثمان بزدار اور صوبائی وزیر قانون راجہ بشارت کی وکالت کے لائسنس معطل ، 4جنوری کو طلب ۔میڈیا رپورٹس کے مطابق پنجاب بار کونسل کے وائس چیئرمین اسماعیل گجر کی طرف سے جاری اعلامیہ کے مطابق پی آئی سی میں افسوسناک واقعہ کے بعد وزیراعلیٰ عثمان بزدا راور وزیر قانون کا رویہ انتہائی جارہانہ اور قابل اعتراض رہا ۔
انھوں نے قانون کے پیشہ کی ساکھ کو نقصان پہنچایا اور اس کی توہین کی۔ دوسری طرف ریکارڈ کا معائنہ کیا گیا تو یہ بات سامنے آئی کہ عثمان بزدار اور راجہ بشارت نے قانون کے مطابق سرکاری عہدے سنبھالتے وقت اپنے وکالت کے لائسنس بھی معطل نہیں کرائے جبکہ قانون کے تحت یہ ضروری تھا لہذا ان کی وکالت کے لائسنس معطل کئے جاتے ہیں اور انھیں ہدایت کی جاتی ہے کہ وہ تحریری جواب کے ساتھ 4 جنوری کو پیش ہو کر وضاحت کریں۔
