اسلام آباد (مانیٹرنگ ڈیسک )حسان نیازی نے اپنی عبوری ضمانت منظور کروالی، عدالت نے ایک لاکھ کے مچلکے جمع کروانے کا حکم دیا ہے ۔ تفصیلات کے مطابق وزیراعظم عمران خان کے بھانجے حسان نیازی پچھلے دس دن سے پی آئی سی میں توڑ پھوڑ کے بعد مفرور تھے

اور پولیس ان کے رہائش گاہ پر ان کی گرفتاری کیلئے چھاپے بھی مارے لیکن وہ گرفتاری عمل میںنہ آسکی ۔تازہ ترین اطلاعات کے مطابق حسان نیازی نے اپنی عبوری ضمانت کروالی ہے جس کے عوض وہ عدالت میں ایک لاکھ روپے کے مچلکے جمع کروائیں گے ۔ قبل ازیں سینئر تجزیہ کار حفیظ اللہ نیازی اپنے بیٹے کی حمایت میں آئے تھے ۔ نجی ٹی وی پروگرام میں سینئر کالم نگار حفیظ اللہ نیازی کہنا تھا کہ کوئی ایک ایسی ویڈیو دیکھائیں جس میں میرے بیٹے نے توڑ پھوڑ کی ہو یا پھر تشدد پر اکسایا ہو میں خود اپنے بیٹھے کو پولیس کے حوالے کر دونگا ۔ ان کا مزید کہنا تھا کہ حسان نیازی نے کوئی قتل نہیں کیا، اسکا میڈیا ٹرائل کیا جارہا ہے۔ انکا کہناہے کہ وکلا کا پی آئی سی پر حملہ قابل مذمت ہے۔ قبل ازیں معروف کالم نگار حفیظ اللہ نیاز ی نےکہا تھا کہ حسان نیازی کو وزیراعظم کا بھانجا اور میرا بیٹا ہونے پر نشانہ بنایا جا رہا ہے۔حفیظ اللہ نیازی کا کہنا تھا کہ ہسپتال پر وکلاء کے حملے کو کوئی درست قرار نہیں دے سکتا۔وکیلوںکو قطعی زیب نہیں دیتا کہ قانون ہاتھ میں لیں۔انہوں نے مزید کہا کہ مجھے نہیں معلوم کہ حسان کی کتنی انوالمنٹ ہے لیکن اسے سنگل آؤٹ کرنے کی دو وجوہات ہیں۔ایک وزیراعظم کا بھانجا ہونا اور دوسرے میرا بیٹا ہونا،وہ اکیلا تو نہیں تھا دو سو لوگ ہوں گے،ابھی جتنی بھی ویڈیوز آئی ہیں اس میں نظر نہیں آیا کہ تشدد میں اس کا کوئی کردار تھا۔