اسلام آباد(مانیٹرنگ ڈیسک)سابق صدرآصف زرداری کی طبی بنیادوںپر درخواست ضمانت منظور ،ایک ایک کروڑ کے دومچلکے جمع کرانے کا حکم ،نجی ٹی وی کے مطابق اسلام آبادہائیکورٹ میں آصف زرداری کی درخواست ضمانت پر سماعت ہوئی،چیف جسٹس اطہر من اللہ کی سربراہی میں بنچ نے ضمانت کی سماعت کی۔پمز ہسپتال کے میڈیکل بورڈ کی نئی میڈیکل رپورٹس عدالت میںپیش کردی گئی،چیف جسٹس نے پراسیکیوٹر نیب

سے استفسار کیا کہ آپ نے میڈیکل رپورٹ دیکھی ہے؟چیف جسٹس نے پراسیکیوٹر نیب کو میڈیکل رپورٹ اونچی آواز میں پڑھنے کی ہدایت کی۔عدالت نے سابق صدر آصف زرداری کی طبی بنیادوں پر درخواست ضمانت منظورکرلی اور ایک ایک کروڑ کے دو مچلکے جمع کرانے کا حکم دیدیا،عدالت نے بینک اکاؤنٹس اور میگامنی لانڈرنگ کیس دونوں میں سابق صدر کی درخواست ضمانت منظور کرلی اور انہیں رہا کرنے کا حکم دیدیا۔

موضوعات:آصف زرداری