اسلام آباد (این این آئی)پاکستان بار کونسل نے آرمی چیف کی مدت ملازمت میں توسیع اور سابق صدر جنرل(ر) پرویز مشرف سے متعلق فیصلے کو رکوانے کیلئے کیے گئے حکومتی اقدامات کو غیر آئینی قرار دیتے ہوئے جمعرات کو ملک گیر ہڑتال کا اعلان کردیا۔پاکستان بار کونسل کی جانب سے جاری اعلامیے میں کہا گیا ہے کہ حکومت نے
آرمی چیف کو توسیع دینے کے معاملے پر سپریم کورٹ میں گمراہ کن اور غلط دستاویزت پیش کیں۔اعلامیے میں کہا گیا ہے کہ حکومت نے پرویز مشرف سنگین غداری کیس کا فیصلہ رکوا کر غیر آئینی کام کیا ہے جس کے خلاف وکلا احتجاج کریں گے۔پاکستان بار کونسل نے کہا کہ حکومتی اقدامات کے پیش نظر 28 نومبر کو وکلا ملک گیر ہڑتال کریں گے۔