لندن(این این آئی) برطانوی شہزادی کیٹ مڈلٹن نے اپنے دورہ پاکستان کے دوران پاکستانی ڈیزائنر خدیجہ شاہ کے سپورٹ اور ان کے ملبوسات کا شکریہ اداکرتے ہوئے خواہش ظاہر کی ہے کہ وہ دوبارہ پاکستان کا دورہ کرنا چاہتی ہیں،میڈیارپورٹس کے مطابق کیٹ مڈلٹن نے خدیجہ شاہ کے نام شکریہ کا ایک خط لکھا جس کی تصویر ڈیزائنر نے اپنے سوشل میڈیا اکائونٹس پر شیئر کی۔برطانوی شہزادی نے اپنے خط میں لکھا کہ دورہ پاکستان میں میری مدد کا بیحد شکریہ، شہزادی
کے مطابق وہ ڈیزائنر اور ان کی ٹیم کی بیحد مشکور ہیں جنہوں نے ان کے لیے اتنے بہترین ملبوسات تیار کیے۔شہزادی کا کہنا تھا کہ انہیں اپنے ملبوسات بیحد پسند آئے۔کیٹ مڈلٹن نے اپنے خط میں یہ بھی لکھا کہ پاکستان ایک بہترین ملک ہے، جہاں آکر ان دونوں کو بیحد مزح آیا۔اپنے خط میں شہزادی نے دوبارہ پاکستان آنے کی خواہش کا بھی اظہار کیا۔اس خط کی تصویر شیئر کرتے ہوئے ڈیزائنر خدیجہ شاہ نے لکھا کہ اس ہی بات کی بیحد خوشی ہے کہ میرا انتخاب کیا گیا۔
