اسلام آباد(آن لائن) لیفٹیننٹ جنرل (ر) عاصم سلیم   باجوہ   کو سی پیک اتھارٹی کا سربراہ بنانے کا فیصلہ کرلیا گیا،اسٹیبلشمنٹ ڈویژن نے سمری منطوری کیلئے وزیراعظم کو بھیج دی۔ میڈیا رپورٹس کے مطابق لیفٹیننٹ جنرل (ر) عاصم سلیم باجوہ کو سی پیک اتھارٹی کا سربراہ بنانے کا فیصلہ کرلیا گیا ہے اور اس حوالے سے اسٹیبلشمنٹ ڈویژن سے منظوری کے لئے سمری وزیر اعظم کو ارسال

کردی گئی ہے۔ عاصم سلیم باجوہ کی تیعناتی کی منطوری آئندہ وفاقی کابینہ کے اجلاس میں دئیے جانے کا امکان ہے۔ اسٹیبلشمنٹ ڈویژن کی جانب سے وزیراعظم کو بھجوائی گئی سمری میں عاصم  سلیم باجوہ کی 4سال کی تعیناتی کی تجویز دی گئی۔ واضح رہے کہ حکومت نے گزشتہ ماہ سی پیک اتھارٹی کے قیام کا آرڈیننس جاری کیا تھا۔ عاصم سلیم باجوہ سدرن کور کی کمانڈ کرتے رہے ہیں۔

موضوعات:لیفٹیننٹ جنرل (ر) عاصم سلیم   باجوہ