اسلام آباد(آن لائن) وزیراعظم عمران خان نے کہا ہے کہ بارش کے ساتھ سردی میں اضافے کی وجہ سے جے یو آئی (ف ) کے دھرنے میں موجود شرکاء کو ہر ممکن سہولیات فراہم کی جائیں ۔موسم میں تبدیلی کے باعث چیئرمین سی ڈی اے کو جمعیت علمائے اسلام (ف) کے آزادی مارچ کی جگہ کا
دورہ کرنے کی ہدایت کر دی ۔بدھ کو روز سماجی رابطے کی ویب سائٹ ٹوئٹر پر اپنے ایک پیغام میں وزیراعظم عمران خان نے کہا کہ چیئرمین سی ڈی اے کو ہدایت کی ہے کہ جے یو آئی (ف ) کے دھرنے کی جگہ کا دورہ کریں اور شرکاء کو سرد موسم میں ہر ممکن سہولیات فراہم کریں ۔
