اسلام آباد(مانیٹرنگ ڈیسک)سعودی عرب کیساتھ ثالثی کے تحت بات چیت کو تیار ہیں ،پاکستانی کردار کی حمایت کرتے ہیں ۔ایرانی وزیر خارجہ جواد ظریف کا ترک میڈیا کو انٹر ویو د،تفصیلات کے مطابق صحافی نے ان سے وزیراعظم عمران خان کے دورہ ایران سے متعلق سوال کیا تو جواد ظریف نے جواب دیتے ہوئے عمران خان کی ایران سعودیہ ثالثی کیلئے کوشش کا خیر مقدم کیا ۔
ان کا کہناتھا کہ سعودی عرب اور ایران کے پاس بات چیت کے علاوہ دوسری چوائس نہیں ، ہمیشہ سے ہی پڑوسی ملک سعودی عرب کے ساتھ ثالثی یا مذاکرات کیلئے تیار ہیں ، ہم سعودی عرب کے ساتھ مذاکرات کیلئے تیار ہیں ، سعودی عرب ہمارا ہمسایہ ملک ہے ، ہم نے کبھی ثالثی کو مسترد نہیں کیا ۔نجی ٹی وی کے مطابق وزیر اعظم عمران خان سعودی عرب کے بعد ایران بھی جائینگے۔
