اسلام آباد(مانیٹرنگ ڈیسک)اینٹی کرپشن ساہیوال نے ضلعی انتظامیہ پاکپتن کے ساتھ کارروائی کرتے ہوئے نواز شریف فیملی کی ملکیتی اتفاق شوگر ملز کے زیر قبضہ 3کروڑ 25 لاکھ مالیتی 36کنال سرکاری اراضی واگزار کرالی۔ اتفاق شوگرملز کے مالکان 1982 سے سرکاری رقبے پر قابض تھے ۔ترجمان اینٹی کرپشن کے مطابق سرکاری رقبے
پر مل مالکان نے سٹورز اور لیبارٹری قائم کر رکھی تھی، حکام نے مل کے مختلف حصوں کو گرا کر قبضہ واگزار کرایا اورقبضہ ریونیو عملہ کے حوالے کردیا۔مل انتظامیہ سے 1982 سے اب تک کے تمام بقایاجات بھی وصول کئے جائیں گے ۔ریجنل ڈائریکٹراینٹی کرپشن ساہیوال شفقت اللہ مشتاق کے مطابق قبضہ مافیاکیخلاف کارروائیاں جاری رہیں گی۔
