اسلام آباد (مانیٹرنگ ڈیسک) سابق سیکرٹری خارجہ شمشاد احمد نے کہا ہے کہ وزیراعظم کی تقریرغیر روایتی اور سفارتی حلقوں کی سوچ سمجھ سے باہر تھی۔کیونکہ اقوام متحدہ میں ہمیشہ روایتی انداز میں تقریر کی جاتی ہے۔تمام ممالک کے سفیر توقع کر رہے تھے کہ عمران خان مسئلہ کشمیر سے اپنی تقریر شروع کریں گے لیکن وزیراعظم پاکستان نے بہت خوبصورتی کے ساتھ تمام مسائل کو اجاگر کیا۔سوشل میڈیا پر بھی عمران خان کی تقریر کو کافی پذیرائی

مل رہی ہے۔یہاں ایک سوال یہ بھی گردش کر ریا ہے کہ اتنی سحر انگیز تقریر کس نے لکھی۔عام حالات میں ہر سال پرانی تقریر کو موجودہ صورتحال کے مطابق ترمیم کر کے پڑھ دیا جاتا ہے لیکن اس بار حالات عام نہیں تھے۔عمران خان پاکستان سے جو تقریر لے کر گئے اسے وہاں پاکستانی مشن میں موجود ایک ہونہار نوجوان ذوالقرنین نے ترمیم کر کے دوبارہ تیار کیا۔ذوالقرنین اقوام متحدہ کے جنرل سیکرٹری کو بھی تقریریں لکھ کر دیتے ہیں۔