اسلام آباد(مانیٹرنگ ڈیسک)نیب نے ایل این جی کیس میں ایک کاروباری شخصیت کو گرفتار کرلیا۔نجی ٹی وی کے مطابق نیب کراچی کی ٹیم نے اقبال زیڈ احمد کو لاہورکشمیر روڈ سے گرفتار کیا۔ذرائع کا کہنا ہے کہ اقبال زیڈ احمد کو لاہور سے کراچی منتقل
کیا جائے گا اور ان سے ایل این جی کیس میں تفتیش کی جائے گی۔یاد رہے سابق وزیراعظم شاہد خاقان عباسی، سابق مشیر خزانہ مفتاح اسماعیل اور سابق ایم ڈی سوئی سدرن عمران شیخ ایل این جی کیس میں نیب کی تحویل میں ہیں جہاں ان سے تفتیش کی جا رہی ہے۔