کوہاٹ(این این آئی)معروف مبینہ غدار وطن عمرداؤدخٹک افغانستان سے پاکستان داخل ہوتے ہوئے گرفتا۔ مقامی میڈیا رپورٹس کے مطابق مبینہ غدارکا تعلق ضلع کرک کے علاقہ درب کلی (ترخہ کوئی) سے ہے جس نے زمانہ طالب علمی میں قرآن پاک حفظ کیا اور تعلیم مکمل کرنے کے بعدتقریباً آٹھ سال قبل روزگار کے سلسلے میں پڑوسی ملک افغانستان جا کرعدم پتہ ہوگیا۔ افغانستان میں افغان حکومت کیساتھ مل کر پاکستان مخالف سرگرمیوں میں سرگرم ہوگیا اورسوشل میڈیا
پر ماردوطن کے خلاف منفی پروپیگنڈہ شروع کرکے شہرت پائی ۔میڈیا رپورٹس کے مطابق عمرداؤدخٹک افغانستان کے علاوہ بھارت اورمتحدہ عرب امارات میں بھی رہا جہاں اْس نے اپنی شکل وصورت ہندوؤں جیسی بنائی جس پر لگتاتھا کہ عمرداؤدنے مذہب بھی شاید بدلاہو۔کئی سال گزرنے کے بعد وہ گزشتہ روز افغانستان سے پاکستان آرہاتھا کہ پاک افغان سرحد طورخم پر قانون نافذ کرنے والے ادارے نے حراست میں لے لیا اور نامعلوم مقام منتقل کردیا۔
