اسلام آباد( آن لائن)مسئلہ کشمیر پر پاکستان کا مودی سرکار کو ہر فورم پر بے نقاب کرنے کا اعلان، حکومت کا بین الاقوامی سفارتی کانفرنس بلانے کا فیصلہ، اقوام متحدہ کی جنرل اسمبلی کے اجلاس سے قبل بلائی گئی کانفرنس میں تمام ممالک کے سفارتکاروں، برطانوی ویورپی پارلیمنٹ کے اراکین کو مدعو کیا جائیگا۔ اختتامی سیشن سے وزیر اعظم عمران خان خطاب کریں گے۔ میڈیا رپورٹس کیمطابق مسئلہ کمشیر کو عالمی سطح پر اجاگر کرنے کیلئے حکومت نے بڑا فیصلہ کیا ہے۔ حکومت نے انٹرنیشنل ڈپلومیٹک کانفرنس
بلانے کا فیصلہ کرلیا ہے۔ کانفرنس اقوام متحدہ کی جنرل اسمبلی کے اجلاس سے قبل بلائی جائے گی جس میں تمام ممالک کے سفارتکاروں کو مدعو کیا جائے گا۔ کانفرنس میں برطانوی اور یورپی پارلیمنٹ کے مسئلہ کشمیر پر متحرک اراکین کو بھی دعوت دی جائے گی۔ بین الاقوامی سفارت کاری کانفرنس میں کشمیر میں بھارتی مظالم، کرفیو، کے باعث خوراک اور ادویات کی قلت کا معاملہ زیر بحث آئے گا۔ کانفرنس کے اختتامی سیشن سے وزیراعظم عمران خان خطاب کریں گے۔