اسلام آباد (آن لائن) کشمیر پر پاکستانی مؤقف کی عالمی سطح پر شنوائی‘ امریکی کانگریس میں 25 سال بعد مسئلہ کشمیر پر بحث کی جائے گی‘ بریڈ شرمین کی سربراہی میں کانگریس کی ذیلی کمیٹی کا اجلاس جلد متوقع ہے۔ تفصیلات کے مطابق وزیراعظم عمران خان کی کشمیر کے معاملے پر کامیاب سفارت کاری کے ثمرات‘ کشمیر پر پاکستانی مؤقف کی عالمی سطح پر شنوائی ہونے لگی۔ امریکی کانگریس کی سب کمیٹی میں 25 سال بعد

مسئلہ کشمیر سنا جائے گا۔ کانگریس میں بریڈشرمین کی سربراہی میں کمیٹی جلد کشمیر پر بحث کرے گی۔ اجلاس میں وادی کشمیر کی صورتحال پر غور ہوگا۔ کمیٹی جائزہ لے گی کہ کشمیر میں متعدد لوگ کیوں گرفتار ہیں۔ انٹرنیٹ اور ٹیلی فون سمیت ذرائع مواصلات کی بندش پر بھی غور ہوگا۔ کشمیر میں انسانی حقوق کی صورتحال پر بھی غور کیا جائے گا اس بات پر بھی غور کیا جائے گا کہ کیا وادی میں کشمیری محفوظ ہیں۔