اسلام آباد،نئی دہلی(سی پی پی)وزیراعظم عمران خان نے کہا کہ بھارت میں مسلمانوں کی نسل کشی پر رپورٹس دنیا میں خطرے کی گھنٹیاں بجنی چاہئیں، بھارتی اورعالمی میڈیا مسلمانوں کی نسل کشی پر رپورٹس جاری کررہا ہے۔وزیراعظم عمران خان نے سماجی رابطے کی ویب سائٹ ٹوئٹر پر اپنے ٹوئٹ میں کہا ہے کہ مسلمانوں کی نسل کشی پر رپورٹس دنیا میں خطرے کی گھنٹیاں بجنی چاہئیں، بھارتی اورعالمی میڈیا مسلمانوں کی نسل کشی پر رپورٹس جاری کررہا ہے۔
مودی کی جانب سے مسلمانوں کی نسل کشی پر رپورٹس سامنے آرہی ہیں،انہوں نے کہا کہ مقبوضہ کشمیر کا غیر قانونی الحاق مسلمانوں کو نشانہ بنانے کی پالیسی ہے۔یاد رہے بھارت کی شمال مشرقی ریاست آسام میں قومی رجسٹر برائے شہریت کا اجرا کر دیا گیا ہے۔ آج ہفتہ اکتیس اگست کو جاری ہونے والی فہرست کے مطابق ریاست میں تقریبا انیس لاکھ افراد کو بھارتی شہریت سے محروم کرتے ہوئے انہیں غیرقانونی تارکین وطن قرار دے دیا ہے۔
