اسلام آباد(مانیٹرنگ ڈیسک)وزیر اعظم ، وفاقی وزیر سائنس و ٹیکنالوجی فواد چوہدری کے ٹوئٹ پرشدید برہم ،میڈیا رپورٹس کے مطابق عمران خان نے فواد چوہدری سے شکوہ کیا ہے کہ منگل کے روز کابینہ کے فیصلوں کے حوالہ سے پریس کانفرنس جاری تھی اور آپ نے ٹوئٹ کر دیا، آپ کو ٹوئٹ نہیں کرنا چاہیے تھا۔عمران خان کا کہنا تھا کہ کابینہ کے فیصلے جس کو بتانے کی ذمہ داری دی گئی ہے بہتر ہے وہ ہی بتائے۔دوسری جانب تصدیق
کے لیے وفاقی وزیر سے رابطہ کیا گیا تو انہوں نے تردید کرتے ہوئے کہا کہ اجلاس میں ایسی کوئی بات نہیں ہوئی۔ وزیر اعظم نے صرف ٹوئٹ کرنے کے وقت پر بات کی تھی۔یادرہے کہ فواد چوہدری نےمنگل کو اس وقت ٹوئٹ کیا تھا جب وزیرِ اعظم کی معاون خصوصی فردوس عاشق اعوان کابینہ کے فیصلوں سے متعلق پریس کانفرنس کر رہی تھیں۔اس سے پہلے وزیر ریلوے شیخ رشید احمد بھی اسی قسم کا شکوہ فواد چوہدری سے کرچکے ہیں ۔
