اسلام آباد (مانیٹرنگ ڈیسک )وفاقی وزیر شیخ رشید احمد نےتھر ایکسپریس بھی بند کرنے کا اعلان کردیا۔تفصیلات کے مطابق شیخ رشید احمدنے پریس کانفرنس کے دوران کہا ہے کہ سمجھوتا ایکسپریس ہم نے کل وزیراعظم کی اجازت سے بند کی، کھوکھرا پار اور مونا باؤ کےدرمیان تھر ایکسپریس بھی بند کررہے ہیں جو آج رات 12 بجے
تک بند کردی جائے گی۔تھر ایکسپریس کو بند کر رہا ہوں کسی میں ہمت ہے تو چلا کر دکھائے ۔ شیخ رشید نے کہا کہ کشمیریوں کے ساتھ ظلم ہوا، عالمی قوانین کی دھجیاں اڑائی گئیں، جو کشمیریوں کے ساتھ کھڑا نہیں ہوگا وہ غدار ابن غدار ہے، راولپنڈی کی لال حویلی کاسری نگر کے لال چوک سےخون کا رشتہ ہے۔
