اسلام آباد (این این آئی) وزیر اعظم عمران خان نے اپوزیشن کے احتجاج کو روکنے کے لئے بند روڈز پر نوٹس لیتے ہوئے کہا ہے کہ اپوزیشن احتجاج کی طاقت نہیں رکھتی،اپوزیشن احتجاج اور ریلیوں سے بے نقاب ہو جائے گی۔ جمعہ کو وفاقی وزیر فواد چوہدری نے ٹوئٹر پر اپنے بیان میں کہاکہ وزیر اعظم نے ہدایت کی ہے کہ اپوزیشن پرامن احتجاج اور ریلیاں نکالنے میں آزاد ہے۔ انہوں نے کہاکہ اپوزیشن احتجاج اور ریلیوں سے بے نقاب ہو جائے گی۔ انہوں نے کہاکہ اپوزیشن احتجاج کی طاقت نہیں رکھتی،
پاکستان کے لوگ ان سے تنگ آ چکے ہیں۔ذرائع کے مطابق وزیر اعظم نے ترجمانوں کے اجلاس سے خطاب کرتے ہوئے کہاکہ امریکہ کا دورہ کامیاب ترین تھا، پاکستان کی عزت اور وقار مزیر بڑھا ہے، پاک امریکہ تعلقات نئے دور میں داخل ہورہے ہیں۔وزیر اعظم انہوں نے کہاکہ اپوزیشن کے جلسوں میں کسی قسم کی رکاوٹیں نہ کھڑی کی جائیں، اپوزیشن ریلیاں نکالے یا جلسے کرے، حکومت مشکلات پیدا نہیں کرے گی۔ وزیر اعظم نے کہاکہ جلسے اپوزیشن کا جمہوری حق ہے، تاہم قانون کو ہاتھ میں نہ لیا جائے۔
