اسلام آباد( آن لائن ) وزیراعظم عمران خان کو روسی صدر ولادی میرپیوٹن نے روس میں کثیر الملکی کانفرنس میں شرکت کی دعوت دی ہے جس کو عمران خان نے قبول کرلیا ہے ، اب وزیراعظم 3ستمبر کو ایسٹرن اکنامک فورم کی کانفرنس میں شرکت کرینگے ۔ تفصیلات کے مطابق وزیراعظم عمران خان کو روسی صدر ولادی میر پیوٹن نے بشلک میں ایس سی او سمٹ میں دورہ روس کی دعوت دی تھی اور کہا تھا

کہ مجھے خوشی ہوگی کہ آپ روس میں کثیر الملکی کانفرنس میں شرکت کریں جس پر عمران خان نے روسی صدر کی دعوت قبول کرلی تھی اب وزیراعظم عمران خان تین ستمبر کو روس کے شہر ولادی دوستوک میں جائینگے جہاں پر چار سے چھ ستمبر کو ایسٹرن اکنامک فورم میں بطور مہمان خصوصی شرکت کرینگے اس کانفرنس میں ایک بار پھر پاک بھارت وزرائے اعظم ایک چھت کے نیچے ہونگے۔