اسلام آباد(مانیٹرنگ ڈیسک)مسلم لیگ ن کے رہنما رانا ثنا اللہ کو گرفتار کرلیا گیا، نجی ٹی وی جیو نیوز کے مطابق رانا ثنا للہ کو سکھیکی کے مقام پر حراست میں لیا گیا، انہیں اینٹی نارکوٹکس فورس نے گرفتار کیا،نجی ٹی وی کے مطابق رانا ثنا اللہ پر الزام ہے کہ ان کے متعدد منشیات فروشوں سے تعلقات ہیں ، اس کے علاوہ ان کے کالعدم تنظیموں سے بھی رابطے ہیں جس کے باعث انہیں تحویل میں لے لیا گیا ہےاور ان سے تفتیش کی جارہی ہے ۔اے

این ایف نے بھی رانا ثنا اللہ کی گرفتاری کی تصدیق کردی۔ دوسری جانب مسلم لیگ ن کے رہنما محمد زبیر نے کہا ہے کہ ان کا رانا ثنا اللہ سے رابطہ نہیں ہورہا ، مریم اورنگزیب نے بھی کہا ہے کہ انہیں اس بارے میں ابھی کوئی اطلاعات نہیں ہیں۔،ن لیگ کے رہنما عطااللہ تارڈ نے کہا ہے کہ ان کی رانا ثنا اللہ سے آخری مرتبہ بات اڑھائی بجے ہوئی تھی ، واضح رہے کہ رانا ثنا اللہ کو پہلی مرتبہ گرفتار نہیں کیا گیا مشرف دور میں بھی انہیں گرفتار کیا گیاتھا۔