اسلام آباد(مانیٹرنگ ڈیسک)برطانوی شہزادہ ولیم اپنی اہلیہ کیٹ مڈلٹن کے ساتھ رواں سال موسم خزاں میں پاکستان کا دورہ کریں گے،برطانوی شاہی محل کی جانب سے جاری بیان کے مطابق ڈیوک اینڈ ڈچز آف کیمبرج پاکستا ن کا دورہ دفتر خارجہ کی دعوت پرکررہے ہیں۔شہزادہ ولیم تاج برطانیہ کے دوسرے ولی عہد ہیں، وہ شہزادہ چارلس اور لیڈی ڈیانا کے بڑے بیٹے ہیں، شہزادہ ولیم سے پہلے ولی عہد شہزادہ چارلس اور ڈچز آف کارنوال سن 2006 ءمیں پاکستان آچکے ہیں۔

شہزادہ ولیم کی والدہ لیڈی ڈیانا بھی اپنی چیئریٹی خدمات کے سلسلے میں پاکستان کا دورہ کرچکی ہیں، دوسری جانب پاکستان ہائی کمشنر کا کہنا ہے کہ پاکستان کی حکومت اور عوام انکے استقبال کے منتظر ہیں۔انہوں نے کہا کہ شاہی جوڑے کا دورہ برطانیہ پاکستان تعلقات کی عکاسی کرے گا ، پاکستان اور برطانیہ کے تاریخی روابط ہیں جنہیں دونوں مزید مستحکم کرنے کی خواہش رکھتے ہیں۔واضح رہے کہ تاریخ اور جن شہروں کا شاہی جوڑہ دورہ کرے گا ان کا اعلان ابھی باقی ہے۔